50歲李亞鵬再婚16年後再做老竇 前妻王菲疫下開金口唱《人間》送暖

現年50歲嘅王菲前夫李亞鵬早前被內地傳媒拍到陪模特兒女友海哈金喜到醫院做產前檢查，當時佢並冇正面回應。冇諗到事隔不足一周，即爆出雙喜臨門，原來李亞鵬已再婚兼做埋人父！

同場加映：ERROR嫌新歌點擊率未達標 笑斥MIRROR出歌出得太密

{{hket:ul-video id="5428"}}{{/hket:ul-video}}

今日（14日）李亞鵬於社交平台宣布BB出世，甫出與海哈金喜捉實BB手仔嘅一家三口合照，同時公開多張與海哈金喜嘅婚照，相中海哈金喜穿上少數民族嘅傳統服飾，而李亞鵬則着上西裝。李亞鵬留言發表愛的宣言：「你看着等待嫣然天使醫療隊，救助的家長和孩子們，我看着站在人群裏的你，你的眼睛滿是關切和憐惜，我的眼睛看到了我們的未來，一個來自西域戈壁，一個來自蜀地青山，攜手人生路，並以新的生命之名，祈願國泰民安 世界和平。Let's Love！」李亞鵬同細佢19年嘅海哈金喜前年公開認愛，關係穩定，並迅即進入談婚論嫁的階段，曾傳他陪女方返家鄉四川涼山，他拜見準外父外母時，入鄉隨俗當眾跪叩。

{{hket:inline-image name="bkn-2.jpg"}}{{/hket:inline-image}}

李亞鵬戀事多多，曾有傳周迅同瞿穎因為爭佢而不和。後來李亞鵬轉型從商，2005年迎娶天后王菲後，被換上「天后背後的男人」，常被指女尊男卑，2013年王菲16字「絕情信」交代同夫妻8年情斷：「這一世，夫妻緣盡於此，我還好，你也保重。」回復單身嘅李亞鵬多年來主力照顧女兒李嫣同經營生意，去年被爆因投資的雪山文苑發生合約糾紛，經審理後敗訴，需向債主支付5,000萬人民幣（約6,182萬港元），當時更流出疑似佢求饒，指自己已經走投無路嘅錄音，估唔到都無阻佢孔雀開屏。

據知海哈金喜同李嫣嘅關係都唔錯，常被發現一家三口聚餐外，又有指佢深得李媽媽歡心。現年32歲的海哈金喜初中畢業後，由四川轉到北京繼續學業，21歲時參加「第61屆世界小姐中國區總決賽」，毫無舞台經驗嘅佢以大冷門姿態，贏得中國區總冠軍及「最上鏡小姐」。佢同時亦係一名演員，曾參演過孫儷主演嘅劇集《那年花開月正圓》。

另一邊，王菲一直深居簡出，最近一次公開獻唱已經係去年內地中秋晚會，當時更同男友謝霆鋒「世紀同場」。不過咁啱得咁橋，尋日王菲同內地歌手常石磊合作重新演繹名曲《人間》，王菲表示佢哋將歌詞稍微改動，希望為大家帶來安慰同鼓勵。唔少網民都大讚佢嘅歌聲十年如一日都係咁超班，而且片中所見已經52歲嘅佢皮膚吹彈立破，駐讚有術呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿